Eron Hormuz bo‘g‘ozini to‘liq yopib qoʻyish bilan tahdid qilmoqda
Ogohlantirish Pentagonning Yaqin Sharqqa 10 000 askar yuborish rejalari ortidan bildirildi.
Tasnim axborot agentligining Eron xavfsizlik xizmatidagi yuqori lavozimli manbaga tayanib xabar berishicha, Hormuz bo‘g‘ozidagi har qanday harbiy harakatlar uning noma’lum muddatga to‘liq yopilishiga olib kelishi mumkinligi ma’lum qilindi.
Manba ta’kidlashicha, dushmanning bo‘g‘ozdagi har qanday harbiy operatsiyasi Eron tomonidan noma’lum muddatli to‘liq blokadaga olib keladi. Agar AQSh Eronga qarshi quruqlikdagi hujumni boshlashga qaror qilsa, Tehron tahdidni bartaraf etish uchun to‘liq simmetrik javob berish huquqiga ega bo‘ladi.
Ushbu ogohlantirish Pentagonning Yaqin Sharqqa 5 000 dengiz piyodasi va bir necha ming desantchidan tashqari, taxminan 10 000 askar yuborishni rejalashtirayotgani haqidagi xabarlar ortidan paydo bo‘lgan.
Xorijiy OAV Vashington yaqin kelajakda Eronda yer usti operatsiyasini o‘tkazishni rejalashtirmayotganini, ammo AQSh yetakchisi Donald Tramp fikrini o‘zgartirishi mumkinligini ta’kidlamoqda.
