O‘zbekistonda 21 yoshdan keyin nikoh qurgan yosh oilalarga imtiyozlar belgilandi
2027-yildan boshlab ilk bor nikoh qurgan va har ikkala taraf 21 yoshdan oshgan yosh oilalarga qo‘shimcha imtiyozlar beriladi.
O‘zbekistonda moliyaviy mustaqillikka erishgan va oila qurishga tayyor yoshlar o‘rtasida nikohlarni rag‘batlantirish maqsadida yangi imtiyozlar tizimi belgilandi. Bu haqda Adliya vazirligi xabar berdi.
2027-yildan boshlab, har ikkala taraf kamida 21 yoshga to‘lgan va ilk bor nikohdan o‘tayotgan yosh oilalarga davlat tomonidan qo‘shimcha moddiy rag‘batlar taqdim etiladi. Xususan, Ijtimoiy reyestrga kiritilgan bunday oilalarning subsidiyalari, ssudalari va grantlari amaldagi me’yorlarga nisbatan 1,5 baravar oshiriladi.
Shuningdek, nikoh shartnomasini tuzgan yoshlar uchun nikohni qayd etishda undiriladigan davlat boji bekor qilinadi. Ushbu chora-tadbirlar yosh oilalarning moddiy barqarorligini ta’minlash va oilaviy munosabatlarni mustahkamlashga qaratilgan.
