AQSh ayrim chet elliklar uchun boshpana arizalarini ko‘rib chiqishni qisman qayta boshlaydi
Cheklovlar Afrika, Osiyo va Lotin Amerikasidagi 39 ta mamlakat fuqarolariga tatbiq etilgan bo‘lib, ularning AQShga kirishi to‘liq yoki qisman cheklangan edi.
CBS News manbalarga tayanib xabar berishicha, AQSh rasmiylari chet el fuqarolari tomonidan berilgan boshpana arizalarini ko‘rib chiqish jarayonini qisman qayta tiklashni rejalashtirmoqda. Ushbu jarayon 2025-yil noyabr oyida Vashington markazida migrant tomonidan Milliy gvardiya askarlariga uyushtirilgan hujumdan so‘ng to‘xtatilgan edi. Hujum natijasida gumondor va ikki nafar Milliy gvardiya askari jarohat olgan, keyinchalik ulardan biri olgan jarohatlari oqibatida vafot etgan. DHS kotibi Kristi Noem gumondor 2021-yilda Afg‘onistondan AQShga olib kelingan shaxs bo‘lganini ma’lum qilgan.
Ma’lumotlarga ko‘ra, AQSh Fuqarolik va immigratsiya xizmatlari ( USCIS) qarori asosida past xavfli mamlakatlardan kelgan, tekshiruvdan o‘tgan boshpana izlovchilarning arizalarini ko‘rib chiqishga qo‘yilgan cheklovni qisman bekor qilgan.
Ichki xavfsizlik departamenti(DHS) vakillarining ta’kidlashicha, cheklovlar Afrika, Osiyo va Lotin Amerikasidagi 39 ta mamlakat fuqarolariga tatbiq etilgan bo‘lib, ularning AQShga kirishi to‘liq yoki qisman cheklangan edi.
Departamentga ko‘ra, qoidalarning yumshatilishi mavjud resurslarni “yuqori xavfli” holatlarni yanada sinchkovlik bilan tekshirishga yo‘naltirish imkonini beradi. Shu bilan birga, har bir chet el fuqarosining shaxsini va xavfsizlik jihatlarini to‘liq tekshirish amaliyoti saqlab qolinadi.
