“Avtomobilsiz kun” va “Avtomobilsiz hafta” aksiyalari o‘tkaziladi
Mazkur aksiya doirasida davlat idoralari xodimlariga xizmat avtomobilidan foydalanish qat’iyan taqiqlanadi.
1-maydan har oyning 10 va 25 sanalarida “Avtomobilsiz kun”, “Avtomobilsiz hafta” aksiyalari o‘tkazib boriladi. Bu haqda "Huquqiy axborot" Telegram-kanali xabar berdi.
Qayd etilishicha, “Avtomobilsiz kun”, “Avtomobilsiz hafta” aksiyalar doirasida davlat fuqarolik xizmatchilariga xizmat avtotransport vositalaridan foydalanish qat’iyan taqiqlanadi.
Ushbu sanalar ish kunlariga to‘g‘ri kelganda haydovchilarning ish haqi saqlab qolinadi.
2026-yil 1-avgustdan “trade-in” dasturi doirasida eskirgan avtotransportlarni topshirgan jismoniy va yuridik shaxslarga yangi transport vositalarini xarid qilish uchun avtokredit foizining bir qismi qoplab beriladi.
2026-yil yakuniga qadar “Ekologik transport” tizimi doirasida Toshkent shahrining hududi “qizil”, “sariq” va “yashil” zonalariga ajratib chiqilishi ta’minlanadi.
Shuningdek, 2026-yil 1-apreldan chang bo‘ronlarining oldini olish uchun Surxondaryo va Sirdaryo viloyatlarida “yashil devor”lar barpo etish boshlanadi.
