Bolalar ombudsmani Namangandagi maktabda o‘quvchi zo‘rlanganiga munosabat bildirdi
Ma’lum qilinishicha, 53 yoshli o‘qituvchi 6-sinfda o‘qiydigan qizga jinsiy zo‘ravonlik sodir etgan.
Namangan viloyatida maktab o‘quvchisiga nisbatan sodir etilgan jinsiy zo‘ravonlik jinoyati holati Bolalar ombudsmani tomonidan nazoratga olindi.
Ma’lum qilinishicha, 28 mart kuni Yangiqo‘rg‘on tumanida yashovchi fuqaro H.D tuman IIB ga murojaat qilib, voyaga yetmagan farzandi O.O (2013-yilda tug‘ilgan qiz bola) tumandagi umumta’lim maktabi 6-sinfda o‘qishi, mazkur maktabning o‘qituvchisi T.Sh (1973 yilda tug‘ilgan erkak) uning farzandiga nisbatan jinsiy zo‘ravonlik sodir etganligini bildirgan.
Avval xabar berganimizdek, mazkur holat yuzasidan Yangiqo‘rg‘on tumani IIB Tergov bo‘limi tomonidan O‘zbekiston Respublikasi Jinoyat kodeksining 119-moddasi 4-qismi bilan jinoyat ishi qo‘zg‘atilgan.
Gumonlanuvchi T.Sh protsessual tartibda ushlanib, unga nisbatan qamoqqa olish ehtiyot chorasi chorasi qo‘llanilgan.
Hozirda dastlabki tergov harakatlari olib borilmoqda.
