“Yosh ekolog” ko‘krak nishoni ta’sis etiladi
1-maydan “10 ming qadam piyoda” tajribasi qayta tiklanadi.
2026-yildan oliy ta’lim tashkilotlari tomonidan yashil kampus loyihalari ishlab chiqiladi va Ekologiya qo‘mitasi bilan kelishiladi. Bu haqda Prezidentning 25-martdagi 110-sonli qarorida keltirilgan.
Qarorga ko‘ra, 1-maydan “10 ming qadam piyoda” tajribasi qayta tiklanadi hamda “Sog‘lom turmush tarzi” platformasi faoliyati yo‘lga qo‘yiladi.
Shuningdek, 2026-yil 1-maydan boshlab quyidagi darajalarda “Yosh ekolog” ko‘krak nishoni ta’sis etiladi:
• maktab o‘quvchilari o‘rtasida III darajali “Yosh ekolog”;
• texnikum o‘quvchilari va oliy ta’lim muassasalari talaba-yoshlari o‘rtasida II darajali “Yosh ekolog”;
• xalqaro va mahalliy miqyosda yuqori natijalarga erishgan yoshlar o‘rtasida I darajali “Yosh ekolog”.
