Eronda AQSh va Isroil zarbalari oqibatida 105 mingdan ortiq fuqarolik obyektlariga zarar yetdi
Tehron shahrida esa 39 508 ta turar joy va tijorat binolariga shikast yetgan.
AQSh va Isroil zarbalari natijasida Eron hududida zarar ko‘rgan fuqarolik obyektlari soni 105 mingdan oshdi. Bu haqda Point xabar berdi.
Taqdim etilgan statistikaga ko‘ra, hududlarda jami 105 325 ta fuqarolik obyektiga zarar yetgan bo‘lib, shundan 83 351 tasi turar joy binolaridir.
Poytaxt — Tehron shahrida esa 39 508 ta turar joy va tijorat binolariga shikast yetgan.
Shuningdek, zarbalar oqibatida 297 ta tibbiyot va davolash muassasasi, 600 ta maktab, Qizil Yarim Oy jamiyatining 18 ta markazi, 48 ta tez yordam mashinasi hamda sanitariya aviatsiyasiga tegishli 3 ta vertolyot zararlangani ma’lum qilindi.
