Jizzaxda soliq qarzi sabab mini-stadion xatlandi
Endi u elektron onlayn-auksion savdolariga chiqarilib, sotuvdan tushgan mablag‘lar hisobidan soliq qarzdorligi qoplanadi.
Soliqlarni o‘z vaqtida to‘lash mamlakat iqtisodiy barqarorligi va rivojining muhim omillaridan biri hisoblanadi. Soliq qonunchiligi talablariga rioya etmaslik esa tegishli huquqiy choralar qo‘llanilishiga olib keladi.
Majburiy ijro byurosining Zomin tumani bo‘limi ish yurituviga “M.M” MCHJdan soliq qarzdorligini undirish to‘g‘risidagi ijro hujjatlari kelib tushgan.
Olib borilgan ijro harakatlari davomida davlat ijrochilari tomonidan qarzdorga tegishli bo‘lgan noturar bino va mini-stadion qarzdorlik hisobiga xatlovga olindi.
Maʼlum qilinishicha, mazkur mulk amaldagi qonunchilikka muvofiq elektron onlayn-auksion savdolariga chiqarilib, sotuvdan tushgan mablag‘lar hisobidan soliq qarzdorligi qoplanadi.
