Korean Air yonilg‘i narxlari oshgani sabab favqulodda boshqaruv rejimiga o‘tmoqda
Kompaniya ichki xarajatlarni kamaytirish orqali iqtisodiy barqarorlikni ta’minlashni rejalashtirmoqda.
Korean Air uchish yoqilg‘isi narxlarining keskin oshishi va global iqtisodiy tebranishlar sharoitida moliyaviy barqarorlikni saqlash maqsadida favqulodda boshqaruv rejimiga o‘tganini ma’lum qildi. Bu haqda BBC xabar berdi.
Qayd etilishicha, bu qaror AQSh-Isroil va Eron o‘rtasidagi davom etayotgan urushning global iqtisodiyotga ta’siri fonida qabul qilindi.
Milliy aviakompaniya vakili seshanba kuni bildirishicha, kompaniya ichki xarajatlarni kamaytirish choralarini joriy qiladi va bu orqali yonilg‘i narxlari oshishi va global iqtisodiy tebranishlar sharoitida barqarorlikni ta’minlashni rejalashtirmoqda.
So‘nggi ma’lumotlarga ko‘ra, 28-fevraldan boshlab neft narxi 50 foizdan ortiq oshgan, aviatsiya yonilg‘isi narxi esa ikki baravar ko‘tarilgan. Bu vaziyat aviakompaniyalarni o‘z bizneslarini himoya qilish uchun favqulodda choralar joriy etishga majbur qilmoqda.
PwC Singapur konsalting kompaniyasi vakili Tan Chi Siangning aytishicha, aviakompaniyalar COVID-19 pandemiyasi kabi inqirozlarda shunga o‘xshash favqulodda choralarni qo‘llagan. Ayniqsa Osiyo aviakompaniyalari global neft narxlarining oshishi va mintaqaviy aviatsiya yonilg‘isi yetishmovchiligi tufayli har tomonlama zarar ko‘rmoqda va shu sababli choralar ko‘rishga majbur bo‘lmoqda.
Korean Air ushbu choralar orqali nafaqat moliyaviy barqarorlikni saqlash, balki yoqilg‘i narxlari va global iqtisodiy beqarorlikning salbiy ta’sirini yumshatishni maqsad qilgan.
