Qachondir tugataman, lekin hozir emas — Tramp
AQSh prezidenti Eronga qarshi harbiy operatsiyani hozir tugatishga tayyor emasligini bildirdi.
AQSh prezidenti Donald Tramp CBS News telekanaliga bergan intervyusida Eronga qarshi Amerika harbiy operatsiyasining hozirgi bosqichini tugatishga va Hormuz bo‘g‘ozida normal yuk tashish sharoitlarini tiklashga tayyor emasligini ma’lum qildi. Prezidentning so‘zlariga ko‘ra, bu jarayon “qachondir amalga oshiriladi, lekin hozir emas”. Prezident CBS telekanaliga bergan intervyusida boshqa davlatlar ham vaziyatni hal qilishda faol rol o‘ynashi kerakligini ta’kidlagan.
Avvalroq The Wall Street Journal ma’lumotlariga ko‘ra, Tramp yordamchilariga Hormuz bo‘g‘ozi asosan kemalar uchun yopiq bo‘lib qolsa ham, Eronga qarshi kampaniyani to‘xtatishini aytgan.
“Qachondir men buni qilaman, lekin hozir emas. Boshqa davlatlar ham ro‘l o‘ynashi va o‘z ishlarini bajarishi kerak. Eron vayron bo‘lgan, ammo mamlakatlar oldinga chiqib ishlarini bajarishlari zarur”, dedi Tramp. Shuningdek, u Hormuz bo‘g‘ozida jiddiy tahdidlar mavjud emasligini, vaziyatni nazorat ostida saqlash mumkinligini qayd etdi.
The Wall Street Journal xabariga ko‘ra, Trampning fikricha, Qo‘shma Shtatlar Eronning dengiz va raketa kuchlarini cheklash, amaldagi harbiy operatsiyalarni nazorat qilish hamda Tehronga diplomatik bosim o‘tkazish orqali erkin savdoni tiklash kabi asosiy maqsadlariga erishishi lozim. Agar bu choralardan samara olinmasa, Vashington Yevropa va Fors ko‘rfazi ittifoqchilaridan Hormuz bo‘g‘ozini ochish tashabbusini olishini talab qiladi.
