Qirg‘iziston o‘z milliy valyutasini ilk bor mamlakat ichida chop eta boshladi

 

Sadir Japarov Bishkekda yangi bosmaxona ishga tushirilganini e’lon qildi. Shu tariqa Qirg'iziston o‘z tarixida birinchi marta milliy valyutasi — so‘mni mamlakat hududida mustaqil ravishda chop eta boshladi.

 

Davlat rahbarining ta’kidlashicha, avval banknotalar ishlab chiqarish jarayoni chet eldagi ixtisoslashgan kompaniyalarga topshirilgan. Xususan, qirg‘iz so‘mi uzoq yillar davomida Britaniyaning De La Rue hamda Fransiyaning Oberthur Fiduciaire kabi xalqaro kompaniyalar tomonidan chop etilgan. Bu esa davlat byudjetidan qo‘shimcha mablag‘lar sarflanishiga sabab bo‘lgan.

 

Prezidentning ma’lum qilishicha, yangi bosmaxona banknotalar ishlab chiqarishda zarur bo‘lgan barcha sifat va xavfsizlik talablari bo‘yicha xalqaro sertifikatni qo‘lga kiritgan. Shu sababli mamlakat endilikda nafaqat o‘z milliy valyutasini ishlab chiqaradi, balki boshqa davlatlardan ham buyurtmalar qabul qilish imkoniyatiga ega.

 

Shuningdek, Qirg‘izistonda davlat hujjatlarini tayyorlash tizimi ham rivojlangan. Jumladan, umumfuqarolik pasportlari, shaxsni tasdiqlovchi hujjatlar, haydovchilik guvohnomalari hamda transport vositalarini ro‘yxatdan o‘tkazish hujjatlarini ishlab chiqarish jarayoni ham yo‘lga qo‘yilgan.

 

Sadir Japarovning ta’kidlashicha, ishlab chiqarilayotgan mahsulotlar yuqori darajadagi himoya elementlari bilan ta’minlangan bo‘lib, ular xalqaro standartlarga mos keladi va qalbakilashtirishni deyarli. Shu bilan birga, mahalliy ishlab chiqarish tufayli xarajatlar kamayishi ham kutilmoqda.