Toshkent tumanida bankdan qarzdor MCHJning fermasi xatlandi
Shundan so‘ng u garov mulki sifatida auksionda sotilib, qarzdorlik bartaraf etilgan.
Majburiy ijro byurosi Toshkent tumani bo‘limi ish yurituvida Sirdaryo tumanlararo iqtisodiy sudining ijro varaqasiga asosan qarzdor “M.S.TRADE” MCHJdan undiruvchi “Aloqa bank” foydasiga jami 21.448.728 AQSH dollari qarzdorlik undirish, undiruvni “M.B.S” MCHJga tegishli Toshkent tumani, “Qizg‘aldoq” QFY, “Eʼzoz” MFY, Yangabod ko‘chasida joylashgan “Chorva fermasiga” qaratish ko‘rsatilgan.
Qarzdorga nisbatan ijro hujjatini talabini bajarish va qarzdorlikni qoplash yuzasidan qonunchilikka muvofiq 15 kunlik ixtiyoriy muddat berilgan. Biroq, bu muddatda ham qarzdor “M.S.TRADE” MCHJ bank oldidagi qarz summasini qoplamaganligidan so‘ng, garovga qo‘yilgan “Chorva fermasi” bino inshootiga qarzdorlikni qoplash yuzasidan qaratilgan.
“Chorva fermasi” elektron onlayn-auksion savdolariga chiqarilgan, auksion savdolarida garov mulki 23.800.000.000 milliard so‘mga sotilgan. Ko‘chmas mulkni sotuvidan tushgan pul mablag‘lari undiruvchining qonuniy talablari qanoatlantirilib, bank hisob raqamlariga o‘tkazib berilgan. Bu esa sud qarorlarining hayotda o‘z aksini topayotgani, qonun ustuvorligi esa amaliy harakatlar bilan mustahkamlanayotganini yana bir bor tasdiqladi.
