BAA Eron fuqarolarining mamlakatga kirishi va tranzitni ta'qiqladi
Cheklov darhol kuchga kirib, rezident vizasi egalari ham qamrab olindi.
Birlashgan Arab Amirliklari Eron fuqarolarining mamlakat hududiga kirishi hamda tranzit orqali o‘tishiga cheklov joriy etdi. Bu haqda Emirates aviakompaniyasining rasmiy veb-saytida e’lon qilingan ma’lumotda qayd etildi.
Xabarga ko‘ra, Eron pasportiga ega yo‘lovchilarga BAA hududiga kirish yoki mamlakat aeroportlari orqali tranzit parvozlarni amalga oshirish taqiqlangan. Mazkur cheklov darhol kuchga kirgan bo‘lib, u barcha Eron fuqarolariga, jumladan, amaldagi BAA rezident vizasiga ega shaxslarga ham tatbiq etiladi.
Bundan tashqari, flydubai aviakompaniyasi ham Eron fuqarolarining BAAga kirishiga cheklov qo‘yilganini tasdiqlagan.
BAA rasmiylari mazkur cheklov sabablari yuzasidan hozircha rasmiy izoh bermagan. Shu bilan birga, Yaqin Sharqdagi keskin vaziyat fonida xavfsizlik choralarini kuchaytirish bo‘yicha qo‘shimcha qarorlar qabul qilinishi mumkinligi ta’kidlanmoqda.
