Eron prezidenti urushni to‘xtatish shartini ma’lum qildi
Pezeshkian Yevropa davlatlarini Eronga nisbatan siyosatini xalqaro huquq asosida qayta ko‘rib chiqishga chaqirdi.
Mas'ud Pezeshkian Eron kelajakda AQSH va Isroil tomonidan tajovuz takrorlanmasligiga aniq kafolatlar berilgan taqdirda harbiy harakatlarni to‘xtatishga tayyor ekanini bildirdi. Bu haqda u Antonio Kosta bilan telefon orqali muloqot chog‘ida ma’lum qilgan deydi Interfax.
Eron prezidenti so‘zlariga ko‘ra, Tehron urushni to‘xtatishni xohlaydi, biroq bu faqat kelgusida har qanday tajovuz qayta takrorlanmasligi bo‘yicha zarur kafolatlar taqdim etilgandagina mumkin.
Pezeshkianning ta’kidlashicha, Yevropa davlatlari Eronga nisbatan olib borayotgan siyosatini qayta ko‘rib chiqib, uni xalqaro huquq me’yorlari hamda konstruktiv va professional hamkorlik tamoyillariga asoslangan yondashuv bilan almashtirishi lozim.
Shuningdek, Eron rahbari ayrim qo‘shni davlatlar hududlari Eronga qarshi hujumlar uchun foydalanilayotganini qayd etib, bunday holatlarning oldini olish bo‘yicha tegishli majburiyatlar bajarilmagan taqdirda javob choralarini ko‘rishga majbur bo‘lishini ta’kidladi.
