Qashqadaryoda 9 mingdan ortiq fuqaroning uy-joyiga egalik huquqi tan olindi
Bugungi kunga qadar 100 mingdan ortiq ko‘chmas mulk obyektlari xatlovdan o‘tkazilgan.
Qashqadaryo viloyatida olib borilayotgan xatlov ishlari natijasida 9 223 nafar fuqaroning uy-joyiga egalik huquqi rasman tan olindi.
Ma’lum qilinishicha, Kasbi tumanida 1199 ta, Qamashi tumanida 1167 ta, Nishon tumanida 1116 ta hamda G‘uzor tumanida 911 ta uy-joy bo‘yicha fuqarolarning egalik huquqi tan olingan.
Mazkur ishlar Davlat kadastrlari palatasining viloyat boshqarmasi va uning hududiy filiallari tomonidan O‘RQ-937-sonli qonun ijrosi doirasida amalga oshirilmoqda. Bugungi kunga qadar 100 mingdan ortiq ko‘chmas mulk obyektlari xatlovdan o‘tkazilib, yagona elektron bazada shakllantirilmoqda.
Natijada fuqarolar o‘z uy-joylarini to‘liq qonuniy asosda rasmiylashtirish imkoniyatiga ega bo‘lmoqda.
Endilikda ular o‘z mulkiga egalik huquqini mustahkamlab, uni erkin tasarruf etish — sotish, hadya qilish, meros qoldirish yoki bankka garov sifatida qo‘yish imkoniyatiga ega bo‘lishadi.
