Andijonda MIB orqali qidiruvdagi mashina topildi
Ayni paytda avtomashina xatlanib, jarima maydoniga joylashtirilgan.
Bugungi kunda har qanday qarz garovga asoslanishi taqozo etilmoqda. Qarz oluvchi shartnomadagi majburiyatini bajarmasa sud undiruvni garov mulkiga qaratadi.
Majburiy ijro byurosi Andijon viloyati boshqarmasi ish yurituviga ham aynan shu mazmundagi sudning ijro hujjati kelib tushgan bo‘lib, unda “ZIRAAT BANK UZBEKISTAN” AJ foydasiga qarzdor N.X.dan jami 301,8 mln. so‘m kredit qarzini undirish hamda undiruvni javobgarga tegishli “EXEED LX PREMIUM” rusumli avtotransport vositasiga qaratilishi ko‘zda ko‘rsatilgan.
Qarzdorlikni undirish maqsadida ijro harakatlari davomida garovdagi qarzdorga tegishli “EXEED LX PREMIUM” avtomashinasiga taqiq o‘rnatilgan.
Davlat ijrochisi tomonidan ijro hujjatida ko‘rsatilgan manzilga bir necha marotaba borib ko‘zdan kechirilganda, avtomashina yo‘qligi aniqlangach, qidiruv eʼlon qilingan.
Byuroning Andijon viloyati boshqarmasi qidiruv shuʼbasi xodimlari hamda IIB YHXX bilan hamkorlikda olib borilgan tadbirlar davomida qidiruvdagi avtomashina Andijon shahridan topildi. Avtomashina xatlanib, jarima maydoniga olib kirildi.
