AQSh–Isroil va Eron urushi davom etmoqda: qurbonlar soni ortmoqda

AQSh-Isroil va Eron urushi oqibatida Eronda 1 937 kishi halok bo‘lgan, Isroilda kamida 24 kishi, AQSh harbiylaridan 13 nafar, Fors ko‘rfazi davlatlarida esa 27 kishi halok bo‘lgan. Bu haqda Al Jazeera xabar bermoqda.

 

AQSh va Isroil tomonidan Eronga qarshi 28-fevral kuni boshlangan harbiy amaliyotlar 34-kun davom etmoqda. Mojaro kengayib, Yaqin Sharqning bir qator davlatlarini qamrab olgan.

 

Dastlabki ma’lumotlarga ko‘ra, Eronda 1 937 kishi halok bo‘lgan, 24 800 dan ortiq kishi yaralangan. Qurbonlar orasida 240 nafar ayol va 212 nafar bola bor, ular orasidagi eng kichik qurbon — 8 oylik chaqaloq, eng kattasi esa 88 yoshli kishi.

 

Isroilda kamida 24 kishi halok bo‘lgan, 6 239 kishi jarohatlangan. Dimona va Arad hududlariga berilgan hujumlarda kamida 180 kishi jarohat olgan. Livan janubida olib borilgan quruqlik amaliyotlari davomida 10 nafar Isroil askari halok bo‘lgan.

 

AQSh harbiylari orasida 13 kishi halok bo‘lgan, 200 kishi yaralangan. Shu jumladan 13-mart kuni Iroq g‘arbidagi yoqilg‘i quyish samolyoti halokati natijasida barcha 6 ekipaj a’zosi vafot etgan.

 

Fors ko‘rfazi davlatlaridagi hujumlar oqibatida:

 

• Bahrayn: 3 kishi halok bo‘lgan, o‘nlab jarohatlangan;

 

• Iroq: kamida 108 kishi halok bo‘lgan;

 

• Iordaniya: halok bo‘lganlar yo‘q, 29 kishi yaralangan;

 

• Kuvayt: 7 kishi halok bo‘lgan;

 

• BAA: 12 kishi halok bo‘lgan, 190 kishi yaralangan;

 

• Ummon: 3 kishi halok bo‘lgan, 15 kishi yaralangan;

 

• Qatar: halok bo‘lganlar yo‘q, 16 kishi jarohatlangan;

 

• Saudiya Arabistoni: 2 kishi halok bo‘lgan, 22 kishi yaralangan;

• Livan: 1 318 kishi halok bo‘lgan, 3 935 kishi yaralangan;

 

Shuningdek, Livan Sog‘liqni saqlash vazirligi ma’lumotiga ko‘ra, mamlakatda 1 milliondan ortiq kishi ko‘chirilgan. Qurbonlar orasida kamida 125 nafar bola bor.