O‘zbekistonda uch oy ichida 196 mlrd so‘mlik gaz va elektr energiyasi talon-toroj qilindi
4 tonnadan ortiq sifatsiz neft mahsulotining sotuvga chiqarilishining oldi olindi.
O‘zbekistonda 2026-yilining I choragida energiya resurslaridan noqonuniy foydalanish va qoidabuzarlik bilan bog‘liq 885 ta holati aniqlandi. Bu haqda “O‘zenergoinspeksiya” matbuot xizmati xabar berdi.
Ma’lum qilinishicha tekshiruvlar davomida 34,6 mln metr kub tabiiy gaz (101,6 mlrd so‘m) va 49,7 mln kilovatt-soat elektr energiyasidan (94,4 mlrd so‘m) noqonuniy foydalanilishi natijasida davlat manfaatlariga jami 196 milliard so‘m zarar yetkazilganligi qayd etilgan.
Shuningdek, iste’molchilar tomonidan energiya resurslaridan foydalanish qoidalarini buzish bilan bog‘liq huquqbuzarliklar bo‘yicha 1 599 ta ma’muriy bayonnomalar rasmiylashtirildi.
Neft mahsulotlari bo‘yicha olib borilgan sifat nazorati tadbirlarida AYOQSH va korxonalardan olingan tahlil namunalaridan 180 ta holatda 4 058 tonna neft mahsuloti sifatsizligi aniqlanib, sotuvga chiqarilishi oldi olindi.
Shuningdek, yoqilg‘i-energiya resurslaridan samarali va oqilona foydalanish bo‘yicha 8 ming 344 ta iste’molchilar bilan profilaktika tadbiri o‘tkazildi. Quvvati 50 kW va undan yuqori bo‘lgan iste’molchilarga berilgan ko‘rsatmalar davomida 2 293 ta iste’molchida reaktiv energiyasini kompensatsiya qilish bo‘yicha qurilmalarni o‘rnatilishi ta’minlandi.
Buning natijasida 19,4 mln kilovatt-soat elektr energiyasi iqtisod qilinishiga erishildi. Berilgan ko‘rsatmalarni bajarmagan 11 ta iste’molchiga ma’muriy bayonnoma tuzilgan.
