Putin va Erdog'an Fors ko‘rfazi va Ukraina atrofidagi vaziyatni muhokama qildi

 

Rossiya prezidenti Vladimir Putin va Turkiya prezidenti Rajab Toyyib Erdog'an telefon orqali suhbatlashib, Yaqin Sharqdagi, xususan Fors ko‘rfazi mintaqasidagi va Ukrainadagi vaziyatni muhokama qilishdi, deb xabar berdi Kreml matbuot xizmati.

 

Bayonotga ko‘ra, suhbat chog‘ida Fors ko‘rfazi hududida harbiy va siyosiy qarama-qarshilikning kuchayishi, kuchli harbiy harakatlar esa nafaqat mintaqaviy, balki global miqyosda, jumladan energetika, savdo va logistika sohalarida salbiy oqibatlarga olib kelayotgani ta’kidlangan. Rahbarlar mintaqadagi barcha davlatlarning qonuniy manfaatlarini hisobga olgan holda zudlik bilan sulh va murosaga keluvchi tinchlik kelishuvlarini ishlab chiqish zaruratini e’tirof etdilar.

 

Ukraina atrofidagi vaziyatni muhokama qilishda Putin Erdog‘anga tegishli muzokaralar jarayonini o‘tkazishga doimiy tayyorligi uchun minnatdorchilik bildirib, Qora dengizdagi xavfsizlikni ta’minlash bo‘yicha muvofiqlashtirilgan chora-tadbirlarning ahamiyati ta’kidlangan. Shuningdek, Kiyev rejimining Rossiya va Turkiyani bog‘lovchi gaz transporti infratuzilmasi va Qora dengizdagi savdo kemalariga hujum qilishga urinishlari hisobga olingan.

 

Matbuot xizmati xabar berishicha, telefon orqali suhbat Turkiya tomonining tashabbusi bilan bo‘lib o‘tgan. Shuningdek, Rossiya va Turkiya rahbarlari siyosiy, savdo va iqtisodiy aloqalarni kengaytirish, xususan energetika sohasidagi qo‘shma strategik loyihalarni amalga oshirish istiqbollari bo‘yicha ham fikr almashgan.