Respublikachi senatorlar Trampning NATO'dan chiqish rejasiga qat’iy qarshilik bildirdi
Senatorlar AQShning NATOdan chiqishi Rossiya va Xitoy manfaatlariga xizmat qilishini aytmoqda.
AQShda bir guruh respublikachi senatorlar Donald Trampning NATOdan chiqish ehtimoli haqidagi bayonotlariga qarshi chiqdi. Bu haqda The Guardian xabar berdi.
Ularning ta’kidlashicha, bunday qadam mamlakat milliy xavfsizligiga jiddiy tahdid tug‘diradi hamda AQShning ittifoqchilar bilan munosabatlariga salbiy ta’sir ko‘rsatadi.
Respublikachi senatorlar Mich Makkonnell va Tom Tillis, shuningdek demokrat senatorlar bilan birga, NATOning AQSh uchun strategik ahamiyatini qayd etdi. Ularning bayonotida alyans 2001 yil 11-sentyabr voqealaridan so‘ng AQShni qo‘llab-quvvatlagani, ittifoqchi davlatlar askarlari Afg‘onistonda amerikalik harbiylar bilan birga jang qilgani eslatib o‘tildi.
Senatorlar, jumladan Janna Shahin, NATOdan chiqish ehtimoli AQShning geosiyosiy raqiblari — Vladimir Putin va Si Jinpinning manfaatlariga xizmat qilishini ta’kidladi.
Avvalroq Donald Tramp Reuters va The Telegraph nashrlariga bergan intervyularida AQShning NATOdan chiqishi aniq bo‘lib qolganini bildirgan edi.
Qonunchilikka ko‘ra, AQSh prezidentining NATOdan chiqishi oson emas. 2024 yilda qabul qilingan qonun asosida bunday qaror Senatning kamida uchdan ikki qismi yoki Kongress tasdig‘ini talab qiladi.
Trampning bu boradagi bayonotlari respublikachilar orasida ham kelishmovchiliklarni yuzaga keltirgan. Xususan, Tom Tillis qayta saylovlarda ishtirok etmasligini bildirgan bo‘lsa, Mitch Makkonnell uzoq yillik faoliyatidan so‘ng siyosatdan ketishini e’lon qilgan.
