Sirdaryoda soliq qarzi evaziga elektromobil xatlandi
Hozirda xatlangan mulkni baholash va auksion savdosiga chiqarish choralari ko‘rilmoqda.
Sirdaryo viloyati Soliq boshqarmasining qarorlariga asosan Guliston tumanidan joylashgan qarzdor “D.A.F” korxonasidan jami 123,5 mln so‘m soliq qarzini undirish to‘g‘risidagi 9 ta ijro hujjatlari bo‘yicha Majburiy ijro byurosining Guliston tuman bo‘limi tomonidan ijro harakatlari olib borilgan.
Ijro hujjatlari talabini ixtiyoriy ravishda bajarish yuzasidan qarzdorga muddat berilib, bajarmaslik oqibatlari tushuntirilgan.
Biroq, belgilangan muddatda qarzdorlik bartaraf etilmaganligi sababli, qarzdor korxonaga tegishli “BYD” rusumli elektromobil xatlanib, jarima maydoniga joylashtirilgan.
Hozirda xatlangan mulkni baholash va auksion savdosiga chiqarish choralari ko‘rilmoqda.
