Do‘zax eshiklari tajovuzkorlar uchun ochiladi — Eron generali
Eron harbiy qo‘mondonligi AQSh va Isroilni keskin ogohlantirdi.
Eronning yuqori operatsion qo‘mondonligi AQSh va Isroilga keskin ogohlantirish bilan chiqdi. Harbiy rahbariyatga ko‘ra, mamlakat infratuzilmasiga qarshi har qanday hujum tajovuzkorlar uchun og‘ir oqibatlarga olib kelishi mumkin.
Bu haqda Eron armiyasi va Islom inqilobi qo‘riqchilari korpusi o‘rtasidagi operatsiyalarni muvofiqlashtiruvchi Xatam al-Anbiyo markaziy shtabi qo‘mondoni, general-mayor Ali Abdullohi bayonot berdi.
Qo‘mondonning ta’kidlashicha, Eron infratuzilmasi yoki milliy boyliklariga qaratilgan har qanday hujum “tajovuzkorlar uchun do‘zax eshiklarini ochishi” mumkin. U, shuningdek, Eron qurolli kuchlari mamlakat manfaatlarini himoya qilish va milliy boyliklarni saqlash borasida qat’iy pozitsiyada ekanini bildirib o‘tdi.
Generalning so‘zlariga ko‘ra, har qanday tajovuz AQSh va Isroil tomonidan foydalaniladigan infratuzilmalarga nisbatan “vayronkor va uzoq muddatli zarbalar” bilan javob berilishiga olib kelishi mumkin.
Shuningdek, u Eron qurolli kuchlari mamlakat suvereniteti va milliy manfaatlarini himoya qilish yo‘lida qat’iyat bilan harakat qilishini ta’kidladi.
