Eron Iroq kemalariga Hormuz bo‘g‘ozidan o‘tishga ruxsat berdi
Cheklovlar faqat dushman davlatlar kemalariga nisbatan qo‘llanadi.
Eron rasmiylari Iroq kemalariga Hormuz bo‘g‘ozi orqali erkin o‘tishga ruxsat berilganini ma’lum qildi. Bu haqda Eron Qurolli kuchlarining markaziy shtabi — Xatam al-Anbiya bayonotiga tayanib Al Alam TV xabar berdi.
Bayonotda aytilishicha, Eron tomonidan joriy etilgan cheklovlar Iroqqa nisbatan qo‘llanilmaydi.
“Birodar Iroq Hormuz bo‘g‘oziga qo‘yilgan cheklovlardan ozod qilindi”, — deyiladi rasmiy bayonotda.
Shuningdek, Eron harbiylari ta’kidlashicha, mamlakat tomonidan kiritilgan qat’iy cheklovlar faqat dushman davlatlarning tanker va quyma yuk tashuvchi kemalariga nisbatan amal qiladi. Bu haqda TASS ham xabar bergan.
Avvalroq Yaqin Sharqdagi keskinlik ortib borayotgan bir paytda AQSh va Isroil Eronga qarshi qo‘shma harbiy operatsiya boshlagani ma’lum qilingan edi. Shundan so‘ng Eron Isroil hududlariga raketa zarbalari bergani hamda Fors ko‘rfazidagi AQSh harbiy bazalariga hujum qilgani haqida xabarlar tarqalgan edi.
Shuningdek, mintaqadagi keskin vaziyat sabab bir qator davlatlar havo hududlarini vaqtincha yopilgan edi.
