Saida Mirziyoyeva Serjio Gor bilan uchrashdi
Uchrashuv Donald Trampning Floridadagi qarorgohida bo‘lib o‘tdi.
O‘zbekiston Prezidenti administratsiyasi rahbari Saida Mirziyoyeva 6-aprel kuni Mar-a-Lago qarorgohida uchrashuv o‘tkazdi.
Uchrashuv davomida AQSH prezidentining Janubiy va Markaziy Osiyo bo‘yicha maxsus vakili, elchi Serjio Gor bilan muzokaralar olib borildi. Tadbirda, shuningdek, AQSH Prezidenti Donald Trampning qizi Tiffani Tramp hamda uning turmush o‘rtog‘i Maykl Bulos ham ishtirok etdi.
Saida Mirziyoyeva uchrashuv yakunlari yuzasidan iliq qabul va mehmondo‘stlik uchun minnatdorlik bildirib, muloqotni mazmunli va konstruktiv deb baholadi.
“Samimiy mehmondo‘stlik va iliq qabul uchun chin dildan minnatdorlik bildiraman. Bo‘lib o‘tgan mazmunli va konstruktiv muloqotni yuksak qadrlayman hamda yaqin kunlarda Vashingtonda samarali uchrashuvlar o‘tkazilishiga umid qilaman”, — dedi u.
Saida Mirziyoyeva va Serjio Gor Amerika–O‘zbekiston ishbilarmonlik va investitsiya kengashining hamraislari hisoblanadi.
