Istanbuldagi Isroil konsulxonasi yaqinida otishma sodir bo‘ldi

Istanbulda joylashgan Isroil konsulxonasi binosi tashqarisida politsiya va hujumchilar o‘rtasida uzoq davom etgan otishmada ikki nafar hujumchi o‘ldirildi, yana biri og‘ir yaralandi. Bu haqda Reuters xabar berdi.

 

Reuters tomonidan e’lon qilgan videokadrlarda otishma ovozi eshitilgach, politsiyachi qurolini chiqarib pana joyga yashiringani va voqea joyida yaralangan shaxs aks etgan.

 

Reuters qo‘lga kiritgan boshqa videolarda esa gumonlanuvchi hujumchi oq rangli politsiya va xavfsizlik avtobuslari orasida harakatlanib, bir necha daqiqa davomida avtomat qurol va to‘pponcha bilan o‘q uzgani aks etgan. Yaqin atrofdagi ko‘chada va yashil hududda ikkita jasad yotgani qayd etilgan.

 

OAVlar xabar berishicha, mazkur hodisa natijasida ikki nafar politsiya xodimi ham jarohat olgan. Hodisa Istanbulning moliyaviy tumanida joylashgan Isroil konsulxonasi joylashgan minora binosi yonida sodir bo‘lgan.

 

2023-yilda HAMAS-Isroil urushi boshlanganidan beri, Isroil konsulligi yaqinidagi hududda qurollangan politsiya kuchlari saqlanib qolgan.

 

Vaziyatdan xabardor manbaning aytishicha, hozirda Turkiyada Isroil diplomatlari yo‘q.