Trampning tahdididan so‘ng Eron AQSh bilan to‘g‘ridan-to‘g‘ri aloqalarni uzdi — WSJ
Biroq vositachilar orqali muzokaralar davom etmoqda.
The Wall Street Journal nashrining xabar berishicha, AQSh prezidenti Donald Trampning Eron sivilizatsiyasini yo‘q qilish bilan tahdid qilganidan so‘ng, Tehron Qo‘shma Shtatlar bilan to‘g‘ridan-to‘g‘ri diplomatik aloqalarni uzdi.
Diplomatik manbalarning ta’kidlashicha, Eronning bevosita aloqa o‘rnini to‘xtatishi Trampning 8-apreldagi ultimatumidan oldin kelishuvga erishishga qaratilgan sa’y-harakatlarni murakkablashtirgan. Tehron bu qadam bilan norozilik va qarshilik signalini yuborganini bildiradi.
AQSh tomonidan belgilangan muddat 7-aprel kuni Vashington vaqti bilan 20:00 (chorshanba, 8-aprel kuni Toshkent vaqti bilan soat 5:00) da tugaydi. Tramp ultimatumini bajarilmasa, Eron infratuzilmasiga jiddiy zarba berilishi mumkinligi haqida ogohlantirgan edi.
Qayd etilishicha, vositachilar orqali muzokaralar davom etmoqda. Qatar va Ummon an’anaviy ravishda AQSh va Eron o‘rtasidagi muzokaralarda vositachi sifatida xizmat qilmoqda. Diplomatik manbalarga ko‘ra, bevosita muzokaralar belgilangan muddatdan oldin qayta boshlanadimi yoki yo‘qmi, vaqt ko‘rsatadi.
