Saida Mirziyoyeva АQSh savdo vakili bilan uchrashdi
Jeymison Grir bilan o‘tkazilgan uchrashuvda amerikalik investorlarning O‘zbekistonga nisbatan ortib borayotgan qiziqishini muhokama qilindi.
Saida Mirziyoyeva АQSh savdo vakili, elchi Jeymison Grir bilan uchrashdi. Bu haqda Mirziyoyeva Telegram-kanalida xabar berdi.
Ma’lum qilinishicha, Jeymison Grir bilan o‘tkazilgan uchrashuvda amerikalik investorlarning O‘zbekistonga nisbatan ortib borayotgan qiziqishi muhokama qilingan.
“Biz ikki tomonlama savdo munosabatlarini o‘zaro manfaatli asosda tartibga soluvchi kelishuvlar ustida ish olib bormoqdamiz”, deyiladi xabarda.
Shuningdek, Mirziyoyeva O‘zbekistonning Jahon savdo tashkilotiga a’zo bo‘lish yo‘lidagi intilishlarini qo‘llab-quvvatlagani uchun elchiga o‘z minnatdorligini bildirishini qayd etgan.
