Eronda Ali Xomanaiy xotirasiga bag‘ishlangan motam tadbirlari oʻtkazilmoqda
Tadbirlar 10-aprelga qadar davom etadi.
Eronda oliy rahnamo Ali Xomanaiy vafotining 40-kuni munosabati bilan keng ko‘lamli xotira tadbirlari o‘tkazilmoqda. Umumxalq motam marosimlari Islom targ‘ibotini muvofiqlashtirish kengashi tomonidan tashkil etilgan bo‘lib, tadbirlar 10-aprelga qadar davom etishi rejalashtirilgan.
Xotira tadbirlarining eng muhim qismi 9-aprel kuni bo‘lib o‘tdi. Tehron shahrida ertalab soat 9:00 da — Eron rahbari 28-fevral kuni halok bo‘lgan vaqtga to‘g‘ri keladigan paytda — Jomhuri-ye Islami maydonidan ommaviy motam yurishi boshlandi. Ushbu yurishda minglab fuqarolar, diniy arboblar va jamoatchilik vakillari ishtirok etgan.
Shu kuni kechqurun mamlakatning muqaddas maskanlarida marhum oyatulloh xotirasiga bag‘ishlangan jamoaviy ibodatlar o‘tkazilgan. Marosimlar davomida uning arxivdagi nutqlari va audioyozuvlari yangragan.
Motam tadbirlarida Qur’on tilovatlari, shuningdek “qarshilik frontining g‘alabasi” uchun duolar ham o‘qilgan. Ushbu marosimlar mintaqada davom etayotgan keskin harbiy vaziyat fonida o‘tkazilmoqda.
28-fevral voqealaridan so‘ng mintaqada keskinlik kuchayib, Eron, AQSh va Isroil o‘rtasida bir qator o‘zaro harbiy zarbalar amalga oshirilgani qayd etilmoqda.
