Toshkentda Lacetti va Kia to‘qnashib ketdi
Voyaga yetmagan haydovchi boshqaruvidagi Lacetti qarama-qarshi yo‘nalishga chiqib ketgan.
Toshkent shahrida ikkita avtomobil ishtirokida YTH sodir bo‘ldi. Bu haqda poytaxt YHXB xabar berdi.
Ma’lum qilinishicha, hodida 9-aprel kuni soat 03:30 atrofida Shayxontohur tumani, Sebzor ko‘chasida joylashgan “Ganga” ko‘prigi ustida yuza bergan. 2009-yilda tug‘ilgan, voyaga yetmagan fuqaro Lacetti rusumli avtomobilni boshqarib ketayotib, rul boshqaruvini yo‘qotgan hamda qarama-qarshi yo‘nalishga chiqib ketgan.
Natijada u o‘z yo‘nalishida harakatlanib kelayotgan, 2002-yilda tug‘ilgan haydovchi boshqaruvidagi Kia rusumli avtomobil bilan to‘qnashgan.
Yo‘l-transport hodisasi oqibatida Lacetti avtomobili haydovchisi hamda uning 2 nafar yo‘lovchisiga shifokorlar tomonidan birinchi tez tibbiy yordam ko‘rsatilgan.
Mazkur holat yuzasidan Toshkent shahar IIBB YHXB tomonidan tergovga qadar tekshiruv ishlari olib borilmoqda.
