Janubiy Koreya Prezidenti va Isroil o‘rtasida diplomatik nizo yuzaga keldi

Janubiy Koreya prezidenti falastinlik bola isroillik askarlar tomonidan qiynoqqa solinib, tomdan tashlangani aks etgan video bilan bo‘lishgani ortidan keskin mojaro yuzaga keldi.

 

Ma’lum qilinishicha, Isroil Tashqi ishlar vazirligi bu voqeani 2024-yilda allaqachon tekshirilgan holat deb atab, Janubiy Koreya prezidenti Li Je Myong “soxta akkaunt”ga tayanib ish ko‘rganini bildirdi. Janubiy Koreya yetakchisi esa Isroilni “insoniylikka zid va noqonuniy harakatlar” bo‘yicha xalqaro tanqidlarni e’tiborsiz qoldirganlikda aybladi.

 

Isroil juma kuni Janubiy Koreya prezidenti Li Je Myongni falastinlik bola o‘ldirilgani va isroillik askarlar uni tomdan tashlagani aks etgan videoni ulashgani uchun keskin tanqid qildi va bu holat “qabul qilib bo‘lmas” hamda “qat’iy qoralashga loyiq” ekanini bildirdi.

 

Isroil tomonning bayonotda aytilishicha, Janubiy Koreya Prezidenti ulashgan video “Isroilga qarshi dezinformatsiya tarqatishi bilan shug‘ullanadigan manbalar” tomonidan hozirgi voqea sifatida noto‘g‘ri talqin qilingan.

 

Shuningdek, bayonotda  voqea Isroil harbiylari “terrorchi” hisoblanganlarga qarshi operatsiya o‘tkazayotgan vaqtda sodir bo‘lgani, askarlar hayoti xavf ostida bo‘lgani va holat “to‘liq tekshirilib, tegishli choralar ko‘rilgani” ta’kidlangan.

 

Janubiy Koreya prezidenti Li Je Myong ijtimoiy tarmoqlarda tarqalgan videoni ulashib, uning haqiqiyligini aniqlash zarurligini va holat jiddiy tekshirilishi kerakligini ta’kidlagan. U voqeani “urush davridagi qotillik” sifatida tilga olib, uni tarixiy adolatsizliklar, xususan Xolokost bilan bilan qiyoslagan.

 

Keyingi postida Li Isroilning bayonotlari bilan bog‘liq yangiliklar xabarini o‘rtoqlashdi va "inson huquqlari va xalqaro huquqning davomli buzilishi"dan hafsalasi pir bo‘lganini bildirdi.