Andijonda fuqaro quduqda qolib ketdi
Fuqaro 14 metr chuqurlikda havo yetishmasligi oqibatida pastda qolib ketgan. U qutqaruvchilar tomonidan yuqoriga olib chiqilgan.
Andijon viloyatining Xo‘jaobod tumanida quduqda qolib ketgan fuqaroning hayoti saqlab qolindi. Bu haqda FVV ma’lum qildi.
Qayd etilishicha, 14-aprel kuni soat taxminan 11:30 larda “Yangifarg‘ona” MFY, Do‘stlik ko‘chasidagi uylardan birida quduq qazish jarayonida fuqaro 14 metr chuqurlikda havo yetishmasligi oqibatida pastda qolib ketgan.
Hodisa guvohlari zudlik bilan Favqulodda vaziyatlar vazirligiga murojaat qilgan. Qutqaruvchilar voqea joyiga tezkor yetib borib, quduqda hushini yo‘qotgan fuqaroni yuqoriga olib chiqqan.
Ma’lum qilinishicha, qutqaruvchilarning tezkor harakatlari tufayli fuqaroning hayoti saqlab qolingan.
