Surxondaryoda “Media haftalik” boshlandi
Tadbir ishtirokchilari real keyslar, amaliy treninglar va jonli muhokamalar orqali zamonaviy media jarayonlari bilan yaqindan tanishish imkoniyatiga ega bo‘ladi.
Surxondaryo viloyatida media sohasining dolzarb masalalari, amaliy tajriba va zamonaviy yondashuvlarni qamrab olgan Media haftalik o‘z ishini boshladi.
Tadbir doirasida o‘zbek jurnalistikasida tanilgan ustozlar, faol OAV vakillari, ijtimoiy faollar, blogerlar hamda media sohasiga qiziqayotgan yoshlar bir maydonga jam bo‘lmoqda.
Ma’lum qilinishicha, Media haftalik mashg‘ulotlari an’anaviy ma’ruzalardan farqli ravishda interaktiv formatda tashkil etilgan. Unda ishtirokchilar real keyslar, amaliy treninglar va jonli muhokamalar orqali zamonaviy media jarayonlari bilan yaqindan tanishish imkoniyatiga ega bo‘ladi.
Tadbir Surxondaryo viloyatidagi “Termiz xalqaro savdo markazi” erkin savdo zonasi hududida o‘tkazilmoqda.
Haftalik davomida ishtirokchilar nafaqat nazariy bilimlarni, balki amaliy ko‘nikmalarni ham egallashlari mumkin.
Media haftalik 17-aprelga qadar davom etadi.
