Toshkentda alimentdan qarzdor ota spa-salondan topildi

Toshkent shahrida ikki nafar sobiq turmush o‘rtog‘iga aliment pullarini to‘lashdan bosh tortib ketgan ota mashhur spa-salonda qo‘lga tushdi. Bu haqida MIB axborot xizmati Zamon.uz'ga maʼlum qildi.

 

Qayd etilishicha, FIB Uchtepa tumanlararo sudining buyrug‘i asosan qarzdor M.O.dan undiruvchi I.A. foydasiga bir nafar farzandi voyaga yetguniga qadar aliment undirish belgilangan.

 

Bundan tashqari, FIB Uchtepa tumanlararo sudining ijro varaqasiga asosan qarzdor M.O. dan undiruvchi N.D. foydasiga ham bir nafar farzandi uchun aliment undirish belgilangan.

 

Mazkur ijro hujjati yuzasidan qarzdor M.O. aliment pullarini 2025 yil 1 fevral oyidan beri to‘lamasdan, davlat ijrochisining talablarini bajarmasdan kelgan.

 

Shunga ko‘ra, davlat ijrochisi qarzdorning yashash manzili bo‘yicha borilganda uyda yo‘qligi aniqlangan hamda qarzdorning topish imkoniyati yo‘qligi sababli, unga nisbatan rasman qidiruv eʼlon qilingan.

 

Shundan so‘ng u Toshkent shahridagi mashhur spa-salonida ekanligi aniqlanib, qidiruv xodimlari hamkorligida ushlangan.

 

Davlat ijrochisi hisob-kitoblariga ko‘ra, aliment qarzdorlik miqdori joriy yilning 1 apreliga qadar hisoblanganda qarzdor M.O.dan undiruvchi I.A. foydasiga 9 736 306 so‘m va ikkinchi undiruvchi N.D. foydasiga 9 736 306 so‘m jami 19 736 306 so‘m qarzdorlik vujudga kelgan.

 

Qarzdor bir necha marotaba ogohlantirilganiga qaramay aliment majburiyatini bajarmagani oqibatida davlat ijrochisi tomonidan ish hujjatlari O‘zbekiston Respublikasi MJtKning 47(4)-moddasi asosida to‘plangan hujjatlar tegishli tuman sudiga yuborilgan.

 

Sud 08.04.2026 yilda maʼmuriy ishni ko‘rib chiqib, qarzdor ota M.O.ni huquqbuzarlikni sodir etgan deb topib, unga nisbatan 15 sutka maʼmuriy qamoq jazosi tayinlangan.

 

Shundan so‘ng qarzdor M.O.ning yaqin qarindoshlari tomonidan 14 aprel kuni aliment pullari to‘liq to‘lanib berilgan.