“Aholi murojaatlariga befarq bo‘lganlar lavozimidan ketadi”— Toshkent viloyati hokimi
Zoyir Mirzayev mansabdorlarni tanqid qildi.
Toshkent viloyati hokimi Zoyir Mirzayev aholi murojaatlariga loqayd munosabatda bo‘layotgan ayrim mansabdorlarni keskin tanqid qildi.
Toshkent viloyati hokimi o‘z chiqishida bunday xodimlar ertami-kech o‘z lavozimini yo‘qotib, oddiy fuqarolar kabi idoralar oldida navbat kutib qolishi mumkinligini ta’kidladi.
“Ishlab turgan joydan norozi bo‘lgan odam 4, 5 kundan keyin boyagi lavozimdan ketganlarga o‘xshab, boshqarmani lavozimdan ketib ko‘chada bekor yurib qolgin. O‘zingni idorangga 1 haftadan keyin o‘sha yurtdoshimizga o‘xshab eshikni oldida navbatga turasan: boshliqqa kirish uchun yoki bitta bo‘lim boshliqqa kirish uchun navbatga turasan-da, ko‘zingni oldidan odamlarni mensimasdan qilgan harakating, oyog‘ing yerdan uzilgani lentadek o‘tadi. U payti kech bo‘ladi. ”, — dedi viloyat hokimi.
Shuningdek, Zoyir Mirzayev aholi murojaatlariga e’tiborsizlik qilib, ularni ikkinchi darajali deb hisoblagan rahbarlar lavozimidan bo‘shatilishini qat’iy talab qilishini aytgan.
