Farg‘onada erkak to‘yda aroq ichib, pravasidan ayrildi
U mast holda mashina boshqargan va 16,5 mln jarima to‘lagan.
Qarzdorning so‘zlariga ko‘ra, u avtomashina boshqarishini bilgani holda do‘stlarining qistovi bilan sinfdoshining to‘yida 100 grammdan ko‘p bo‘lmagan aroq ichgan.
Oxiri va oqibatini o‘ylamagan qahramon spirtli ichimlik istyemol qilgan holda avtomashinasini boshqarishda davom etayotganda YPX xodimlari tomonidan to‘xtatilgan va sodir etgan huquqbuzarligi yuzasidan hujjatlar rasmiylashtirilgan.
Jinoyat ishlari bo‘yicha Beshariq tuman sudining qarori bilan huquqbuzar F.R.ga nisbatan 16,5 mln so‘m miqdorida maʼmuriy jarima qo‘llanilgan.
Ushbu ijro hujjati yuzasidan qarzdorga nisbatan majburiy ijro etish choralari qo‘llanilgani bois, oxir-oqibat qarzdor “Neksiya-2” rusumli avtotransport vositasini sotishga va ushbu qarzdorlikni to‘lashga majbur bo‘ladi.
Bir lahzalik sarxushlik oqibati ushbu fuqaro uchun qimmatga tushgani ayni haqiqat.
Spirtli ichimlik isteʼmol qilgan holda avtomashina boshqarish nafaqat moddiy yo‘qotish, balki o‘zingiz va boshqa shaxslarning hayoti hamda sog‘lig‘i bilan bog‘liq og‘ir oqibatlarga sabab bo‘lishi mumkinligini unutmang.
