Namanganda MIB orqali 2 nafar bola onasiga olib berildi
Shu tariqa ijro hujjati amalda to‘liq yakunlangan.
Fuqarolik ishlari bo‘yicha Yangiqo‘rg‘on tumanlararo sudi tomonidan berilgan ijro varaqasiga asosan qarzdor U. T. dan voyaga yetmagan ikki nafar farzandni undiruvchi S. U.ning tarbiyasiga olib berish belgilangan.
Mazkur ijro hujjati ijrosini taʼminlash maqsadida Majburiy ijro byurosining Chortoq tuman bo‘limi davlat ijrochilari tomonidan tegishli ijro harakatlari amalga oshirildi. Jumladan, qarzdor bilan tushuntirish ishlari olib borilib, bolalar manfaatlari ustuvorligi taʼminlandi.
Olib borilgan ijro harakatlari natijasida voyaga yetmagan bolalar onasi undiruvchiga topshirildi. Shu tariqa ijro hujjatining ijrosi amalda to‘liq taʼminlandi.
Majburiy ijro byurosi organlari tomonidan sud hujjatlari ijrosini taʼminlash borasida tizimli ishlar izchil davom ettirilmoqda.
