Sirdaryoda soliq qarzi sabab BYD xatlandi
Maʼlum bo‘lishicha, MJCH salkam 160 mln soliq qarzini to‘lamagan.
Sirdaryo viloyat soliq boshqarmasining 31.03.2026 yildagi qaroriga ko‘ra qarzdor “Guliston D.B.” MCHJdan 158,1 mln so‘m soliq qarzini undirish belgilanib, qaror ijrosi Majburiy ijro byurosining Guliston shahar bo‘limiga yuklatilgan.
Qarzdorlik ixtiyoriy ravishda bartaraf etilmaganligi bois, davlat ijrochisi tomonidan qarzdorga tegishli “BYD” rusumli avtomashina xatlanib, jarima maydoniga joylashtirilgan.
Natijada qarzdor korxona tomonidan 158,1 mln so‘m soliq qarzi hamda qarzdorlik sabab yuzaga kelgan 7,9 mln so‘m ijro yig‘imi mablag‘i to‘liq undirilib, qaror ijrosi taʼminlandi.
