Farg‘onada MIB orqali 200 mln soliq qarzi undirildi
Qarzdor bankdagi hisobraqamlariga band solingan bo‘lsa-da, qarzni to‘lamay kelgan va mablag‘ majburiy ijro orqali undirilgan.
Sir emas davlat byudjeti asosan soliq tushumlaridan shakllantiriladi, bunda katta va muhim ishlab chiqarish korxonalarining tutgan o‘rni ahamiyatlidir. "B.B." MCHJ ham shunday ishlab chiqarish korxonalari sirasiga kiradi.
Farg‘ona viloyat Davlat soliq boshqarmasining 25.01.2026 yilgi qaroriga asosan qarzdor "B.B." MCHJdan 198 216 410 so‘m soliq qarzini undirish to‘g‘risidagi ijro hujjati Byuroning Beshariq tuman bo‘limi ish yurituviga ijro uchun kelib tushgan va qarzdorga ixtiyoriy muddat berilgan.
Lekin qarz to‘lanmagach, jamiyatning bankdagi barcha hisob raqamlariga bandlar solingan, lekin qarzdorning hisob-raqamlariga ancha vaqtgacha mablag‘ kelib tushmagan va olib borilgan majburiy ijro harakatlari davomida 23.04.2026 yil kuni qarzdordan 198 216 410 so‘m soliq qarzi va 9 910 820 so‘m ijro yig‘imi to‘liq undirilib, ijro hujjati Qonunning 41-moddasi 1-qismiga asosan tamomlandi.
