Qashqadaryoda media haftalik yakunlandi: yangi yondashuvlar shakllandi
Loyihaning navbatdagi bosqichi 27-aprel – 1-may kunlari Samarqandda davom etadi.
Qashqadaryo viloyatida media haftalik loyihasining navbatdagi bosqichi yakunlandi. Ushbu hudud haftalikning to‘rtinchi manzili sifatida ishtirok etib, media sohasidagi o‘quv jarayonlarining yakuniy bosqichiga mezbonlik qildi.
Haftalik davomida o‘tkazilgan trening va amaliy mashg‘ulotlar davomida ishtirokchilar axborot yaratish, uni tahlil qilish hamda taqdim etishning zamonaviy yondashuvlarini chuqur o‘zlashtirdilar. Har bir dars jarayonida media mahsulotlarni tayyorlashda yangi yondashuvlar shakllandi.
Treninglar natijasida ishtirokchilar yangiliklarni tayyorlash tezligi va sifatini muvozanatda ushlash, shuningdek, tezkor axborot oqimi sharoitida ishonchli kontent yaratish bo‘yicha muhim ko‘nikmalarga ega bo‘ldilar. Shuningdek, axborotni faqat yetkazish emas, balki uning auditoriyaga ta’sirini boshqarish muhimligi alohida ta’kidlandi.
Qashqadaryo media haftaligi voha media makoniga yangi yondashuv va zamonaviy ruh olib kirgani bilan ajralib turdi. Loyihaning navbatdagi bosqichi 27-aprel – 1-may kunlari Samarqand viloyatida davom etadi.
