Istanbulda Turkiyadagi eng yirik maxfiy qurol ombori topildi
Suv osti rezervuarida qurol ishlab chiqarishda zarur bo‘ladigan 4 mingga yaqin qism aniqlangan.
Istanbul shahrining Pendik tumanida maxfiy suv osti rezervuarida noqonuniy qurol ishlab chiqarishda foydalaniladigan minglab qismlar aniqlandi. Bu haqda Haberler.com xabar berdi.
Ma’lum qilinishicha, politsiya tomonidan dron yordamida olib borilgan kuzatuvlar davomida yer ostiga yashirilgan suv rezervuari aniqlangan.
Tintuv chog‘ida ombordan ruxsatsiz to‘pponcha ishlab chiqarishda ishlatiladigan 3 092 ta detal, 1 869 ta zatvor (qurol ichida o‘qni joylash, otish va chiqarish jarayonini boshqaradigan mexanizm), shuningdek turli xil boshqa qurol qismlari musodara qilindi.
Operatsiya doirasida 4 nafar gumondor qo‘lga olindi.
Ichki ishlar boshqarmasi bayonotida qayd etilishicha, mazkur operatsiya natijasida Turkiya bo‘yicha hozirgacha bir martada qo‘lga kiritilgan eng katta hajmdagi qurol ishlab chiqarish qismlaridan biri aniqlangan.
