Abu Ali ibn Sino nomidagi olimpiadada O‘zbekiston 11 ta medal oldi
Xalqaro olimpiadalarda medal sovrindorlariga pul mukofotlari beriladi.
Abu Ali ibn Sino nomidagi xalqaro biologiya olimpiadasi yakunlariga ko‘ra, O‘zbekiston terma jamoasi yuqori natija qayd etdi.
Taqdirlash marosimi yakunida e’lon qilingan natijalarga muvofiq, O‘zbekiston terma jamoasi jami 11 ta medalni qo‘lga kiritdi. Jumladan, 2 ta oltin, 3 ta kumush va 6 ta bronza medallari qo‘lga kiritildi.
Ma’lumot uchun, mintaqaviy xalqaro olimpiadalarda medal sovrindorlariga quyidagi miqdorda pul mukofotlari beriladi:
oltin medal sohibi — 4,944 mln so‘m, o‘qituvchisiga 20,6 mln so‘m;
kumush medal sohibi — 3,296 mln so‘m, o‘qituvchisiga 14,42 mln so‘m;
bronza medal sohibi — 2,472 mln so‘m, o‘qituvchisiga 12,36 mln so‘m.
Shuningdek, xalqaro va mintaqaviy olimpiada sovrindorlari oliy ta’lim muassasalariga kirishda o‘z fanidan maksimal ball bilan imtiyozga ega bo‘ladi.
