Jizzaxda jarimasi bor mashinalarga reyd boshlandi
Tadbir davomida 322 ta avtomobil jarima maydonchasiga joylashtirilgan.
Jizzax viloyatida qarzdorlikka qarshi kurash doirasida Majburiy ijro byurosi hamda viloyat IIB YHXB xodimlari hamkorligida avtotransport vositalarini aniqlash va qidirish bo‘yicha reyd tadbirlari o‘tkazilmoqda.
Tadbirlar shahar va tumanlarning markaziy ko‘chalarida tashkil etilgan bo‘lib, maxsus ishchi guruhlar tomonidan izchil amalga oshirilmoqda.
Olib borilayotgan reydlar o‘z samarasini ko‘rsatmoqda. Jumladan, reydlar davomida 322 ta avtotransport vositasi jarima maydonchalariga joylashtirildi. Ularning 207 tasi qidiruvda bo‘lgani aniqlandi.
Reyd tadbirlari izchil ravishda davom ettirilmoqda.
