Gran-Pri sovrindoriga 7 ming AQSH dollari beriladi
Lazgi festivali doirasida matbuot anjumani o’tkazildi.
Yuqori harorat va jozibani harakatlarda mujassam etgan Lazgi festivalining bellashuv jarayonlari 26-apreldan start oldi.
Shuningdek, Xorazmning yuragi Xiva shahrida 26-30-aprel kunlari bo’lib o’tishi rejalashtirilgan festival doirasida jurnalistlar uchun matbuot anjumani tashkil etildi. Unda nafqat mahalliy OAV balki, xorijiy jurnalistlar ham ishtirok etdi. Bo’lib o’tgan anjumanda III “Lazgi” xalqaro raqs festivali bilan bog’liq barcha ma’lumotlar aytib o’tildi.
Tadbir yakunida Xitoy, Hindiston va bir qancha chet ellik jurnalistlar tomonidan turli xil savollar o’rtaga tashlandi va moderatorlar tomonidan aniq javoblar berildi.
Festival jarayonlarini yoritish maqsadida 100 ga yaqin mahalliy va xorijiy OAV vakillari ishtirok etmoqda. Jozibador o‘zbek milliy raqs san’ati dunyo nigohida o‘z jilosini tarannum etadi.
Aytish joizki, 2022-2024-yillarda Xorazm viloyatining Xiva shahrida bo‘lib o‘tgan I va II“Lazgi” xalqaro raqs festivallarida dunyoning 30 dan ortiq davlatidan iste’dodli raqqosalar, professional raqs jamoalar, raqs san’ati ustalari, musiqashunos va san’atshunos olimlar, taniqli san’atkorlar, yetuk mutaxassislar, faxriy mehmonlar va ommaviy axborot vositalari xodimlari ishtirok etgan edi. Mazkur xalqaro festivalning navbatdagi soni 26-30 aprel kunlari bo’lib o’tishi rejalashtirilgan.
“Lazgi” xalqaro raqs festivali 2022-yildan buyon YUNESKO shafeligida o‘tkazilayotgan bo’lsa, 2026-yildan boshlab ilk bor TURKSOY xalqaro tashkiloti ham shafelik qatoriga qo’shildi.
Tanlov g’oliblari Tashkiliy qo’mita tomonidan diplom, statuetka va turli xil miqdorda pul mukofotlari bilan taqdirlanishi ma’lum qilindi. Unga ko’ra, eng oliy o’rin “Gran-Pri” sovrindori 7 000 AQSH dollori miqdoridagi pul va esdalik sovg’alari bilan taqdirlanadi.
