Qurbon hayiti 27- may kuni nishonlanadi — Qirg‘izistonda
Mamlakatda bayram rasman dam olish kuni deb e’lon qilinishi kutilmoqda.
Qirg‘izistonda Qurbon hayiti sanasi e’lon qilindi. Bu haqda 24.kg xabar berdi.
Qirg‘iziston musulmonlari diniy idorasiga ko‘ra, 2026-yilda mamlakatda Qurbon hayiti bayrami 27-may kuni nishonlanadi.
Musulmonlarning eng asosiy bayramlaridan birining sanasi oy taqvimiga qarab belgilanadi va har yili o‘zgarib turadi. Qurbon hayiti Haj ziyorati yakunlanganini anglatadi va an’anaviy marosimlar, jumladan, qurbonlik qilish hamda xayriya ishlari bilan birga o‘tkaziladi.
Qirg‘izistonda bayram kuni rasman dam olish kuni deb e’lon qilinishi kutilmoqda.
Ma’lumot o‘rnida, 2025-yilda O‘zbekiston hududida Qurbon hayiti 6-iyun kuni nishonlangan.
