Navoiyda kommunal qarzdorliklar MIB orqali undirilmoqda
Natijada kommunal sohadagi ijro hujjatlar qoldig‘i 34,7 foizga qisqartirilgan.
Majburiy ijro byurosining Navoiy viloyat boshqarmasi va hududiy bo‘limlari tomonidan dolzarb haftalik davomida kommunal sohadagi ijro hujjatlarining samarali ijrosini taʼminlash, energiya resurslari, suv taʼminoti va boshqaruv-servis kompaniyalari foydasiga qarzdorliklarni undirish hamda shu sohadagi hujjatlar sonini kamaytirish yuzasidan manzilli chora-tadbirlar amalga oshirilmoqda.
Xususan, haftalik doirasida qarzdorlarga nisbatan ogohlantirish ishlari olib borilib, mahallabay va xonadonbay o‘rganishlar o‘z samarasini berdi.
Shuningdek, kommunal tashkilotlar bilan hamkorlikda debitor qarzdorliklarni tahlil qilish, muammoli qarzdorlar bilan ishlash ishlari tizimli tashkil etildi.
Dolzarb haftalik davomida, kommunal sohaga oid 421 ta ijro hujjatlari amalda tamomlandi va 1 mlrd 907 mln so‘m qarzdorlik undirildi.
Eng muhimi, kommunal sohadagi ijro hujjatlar qoldig‘i 315 taga 34,7 foizga qisqartirildi.
Kelgusida ham kommunal sohadagi ijro hujjatlari sonini yana-da qisqartirish, qarzdorliklarni barvaqt undirish hamda profilaktik choralar izchillik bilan davom ettiriladi.
