Saida Mirziyoyeva Toshkentdagi uchta teatrni ko‘zdan kechirdi
Aksariyat poytaxt teatrlarining moddiy-texnik bazasi davlat ko‘magiga muhtojligi qayd etildi.
Toshkentdagi 3 ta teatr Saida Mirziyoyeva tomonidan ko‘zdan kechirildi. Aksariyat poytaxt teatrlarining moddiy-texnik bazasi davlat ko‘magiga o‘ta muhtojligi qayd etildi.
Xususan, Muqimiy nomidagi akademik teatr, Yoshlar teatri hamda “Arena” yotoqxonasi binolari anchadan buyon jiddiy ta’mirtalab holatda.
“Biz hamma sharoitni yaratsakkina, repertuarlar yangilanib turadi, tomoshabin ko‘nglidan joy oladigan, dolzarb mavzulardagi spektakllar sahnalashtiriladi”, — dedi Saida Mirziyoyeva.
Shu bilan birga, Alisher Navoiy nomidagi Davlat adabiyot muzeyi faoliyatiga ham alohida e’tibor qaratilmoqda. Muzeyda noyob qo‘lyozmalarni raqamlashtirish va ularni kitobxonlarga taqdim etish ishlari olib borilayotgani ta’kidlandi.
Madaniy muassasalarni moliyalashtirish masalalarini hal etish uchun mas’ul shaxslar belgilanib, vaziyat Saida Mirziyoyeva tomonidan nazoratga olindi.
