Toshkentda alimentchi ota “fol ochtirish operatsiyasi”da qo‘lga tushdi
Maʼlumotlarga ko‘ra, erkak 4 yil davomida aliment to‘lamay kelgan. Natijada qarzdorlik 75 mln so‘mdan oshib ketgan.
Fuqarolik ishlari bo‘yicha Shayxontohur tumanlararo sudining ijro varaqasiga ko‘ra qarzdor b.N.dan undiruvchi E.Q.ning foydasiga ikki nafar farzandlari taʼminoti uchun javobgarning har oylik ish haqi va boshqa turdagi daromadlarining 1/3 qismi miqdorida aliment undirish belgilangan. 01.11.2022 yildan 23.02.2026 yilga qadar alimentdan bo‘lgan jami qarzdorligi 75.488.909 so‘mni tashkil etgan.
Yuzaga kelgan qarzdorlik uchun qarzdor alimentchi ota o‘zining masʼuliyatini butkul unutib, qarzdorlikni to‘lamasdan yurgan. Natijada qarzdorning oilaviy sharoiti, oila aʼzolari davlat ijrochilari tomonidan o‘rganib chiqilgan.
Shunda davlat ijrochilarining o‘rganish ishlariga ko‘ra, qarzdor xonadonida g‘ayriodatiy mahoratli “bashoratchi” borligi aniqlangan.
Shundan so‘ng, xodimlar tezkor tadbir rejalashtirilgan. Tadbirda davlat ijrochilari qarzdor xonadoniga “fol ochtirish” uchun tashrif buyuradilar. Fol ochtirish paytida ijrochilar sergak tortib erta tongda “noz uyqusi”da bo‘lgan alimentchi otani qo‘lga olishadi va shu kunning o‘zidayoq qarzdor ota qamoqqa yuborilgan.
