Toshkentda 15 ta mashina ishtirokida YTH sodir bo‘ldi
Sog‘ligi yomonlashib, boshqaruvni yo‘qotgan haydovchi bir nechta mashinalarga urilib ketgan.
Joriy yil 5-may kuni soat 16:25 larda Toshkent shahri Mirzo Ulug‘bek tumanida joylashgan M. Ulug‘bek ko‘chasida yo‘l-transport hodisasi sodir bo‘ldi. Bu haqda Yo'l harakati xavfsizligi xizmati ma'lum qildi.
Dastlabki maʼlumotlarga ko‘ra, “Equinox” rusumli avtomobil haydovchisi harakat vaqtida sog‘ligi yomonlashgani sababli boshqaruvni yo‘qotgan. Natijada u svetoforning qizil chirog‘ida to‘xtab turgan bir nechta transport vositalariga urilib, to‘qnashuv sodir etgan.
Hodisa oqibatida halok bo‘lganlar yo‘q. Jami 15 ta transport vositasi texnik shikastlangan. “Equinox” haydovchisi tan jarohati olgan holda shifoxonaga yetkazilgan.
Mazkur holat yuzasidan Toshkent shahar IIBB JXX YHXB masʼul xodimlari tomonidan surishtiruv ishlari olib borilmoqda.
