118 ta “radar”ga tushgan mashina MIB orqali topildi
Hozirda avtoulov saqlash uchun jarima maydonchasiga joylashtirilgan.
Yo‘llardagi maxsus avtomatlashtirilgan foto va video qayd etish vositalari yordamida qayd qilingan qoidabuzarlik holatlari bo‘yicha haydovchilarga nisbatan maʼmuriy jarimalar qo‘llaniladi.
Jarimalar 3 oy muddatda ixtiyoriy ravishda bartaraf qilinmagan taqdirda undirish uchun Majburiy ijro byurosiga yuboriladi.
Qoidabuzar haydovchiga nisbatan qo‘llanilgan 118 ta jarimalarni undirish to‘g‘risidagi ijro hujjatlari ish yurituvga kelib tushgan.
Ijro ishlari qo‘zg‘atilib, qarzdorga ogohlantirish “SMS” xabarlar yuborilgan. Jarimalar bartaraf qilinmagandan so‘ng, majburiy ijro harakatlariga kirishilib, avtomashinaga qidiruv eʼlon qilingan.
Qidiruv harakatlari natijasida avtomashina topilib, vaqtincha saqlash uchun jarima maydonchasiga joylashtirilgan. Hozirda ijro harakatlari davom etmoqda.
