9-may arafasida MIBning faxriy xodimlari holidan xabar olinmoqda
Xususan, Xorazmda faxriylarga hurmat va eʼtibor ko‘rsatish maqsadida boshqarmada uchrashuv tashkil etildi.
Majburiy ijro byurosi Xorazm viloyati boshqarmasi xodimlari tomonidan 9-may “Xotira va qadrlash kuni” munosabati bilan soha fahriylarini va nafaqadagi xodimlarni xotirlash hamda ularning holidan xabar olish tadbirlari olib borilmoqda.
O‘z o‘rnida ko‘p yillar mehnat qilib, qator shogirdlar yetishtirgan ustozlarning holidan xabar olish, ularning tajribalaridan foydalanish ham alohida bir o‘rin tutadi.
Bayram munosabati bilan Majburiy ijro byurosi Xorazm viloyati boshqarmasi tomonidan mehnat faxriysi Qaxramon Nurmetov xonadoniga tashrif buyurib, holidan xabar olindi va u bilan dildan suhbatlashildi.
Shundan so‘ng, faxriylarga hurmat va eʼtibor ko‘rsatish maqsadida boshqarmada uchrashuv tashkil etildi. Tadbirda prokuratura sohasida ko‘p yillar davomida samarali faoliyat yuritgan faxriy Qaxramon Nurmetov bilan ochiq muloqot shaklida suhbat olib borildi.
Boshqarmada yosh xodimlar uchun tashkil etilgan maʼnaviyat va maʼrifat xonasida mehnat faxriysi yoshlarga yaratilgan sharoitlar bilan yaqindan tanishib, yosh xodimlarga o‘zining mehnat faoliyati, kasbiy yutuqlari, hayotiy tajribalari bo‘yicha foydali tavsiyalarini berdi.
